用家分享

改善身體健康 + 體重控制


【德善健康管理】二師會診: 改善身體健康 + 體重控制

 


 

農曆新年前,我帶阿旺一齊去朋友介紹的【德善健康管理】,其實我自己就間中都有睇下中醫,調理一下身體,阿旺就身體一直唔錯,好少睇中醫。今次點解我會叫到阿旺陪我一齊去睇呢?﹗因為佢比德善健康管理《二師會診》吸引到,其實我自己都是第一次接觸《二師會診》,即是由中醫師和營養師 "雙劍合壁" 幫助客人管理健康,中醫師主力診斷及改善身體機能,而營養師則著重於健康飲食、運動建議及體重控制。
 
 

首先阿旺見中醫師,醫師話阿旺身體都算唔錯,屬『偏濕熱』的體質是胃氣比較多,腸胃有少少熱,主要是少食辛辣煎炸食物以免火上加油」,亦不能多食生冷肥膩食物以免濕困」。哈哈,佢仲話阿旺個肚腩其實是因為太多胃氣,其實唔係真是肥。另外同醫師講阿旺 "後生" 打籃球時整親過膝頭,醫師就話雙膝護理要注意,建議多訓練下肢肌肉 (注意小心傷膝動作)平日可多食牛膝薏苡仁白朮等中藥以助健脾利濕舒筋骨

 
之後就到我啦﹗我都自己知自己事...醫師話我的情況比阿旺嚴重以『血虛血熱』為主血熱因肝鬱化熱因平日燥勞引起我都有同醫師講...我月經經常遲 (遲到有時我以為自己又中獎),醫師話月經問題最好首先照超聲波以排除其他子宮問題如果子宮結構尚可便可多以養血疏肝清熱的方法。平日可多沖玫瑰花、素馨花等花茶清熱解鬱更可間中服用八珍湯(花旗參黃萫甘草白朮白芍熟地川芎當歸)加菊花無花果等清潤中藥以免過熱氣

 


見完醫師之後就見營養師,原來【德善健康管理】的營養師都同時有健身教練牌,所以可以根據中醫師診斷之後的身體狀況,進行評估,再一齊定立目標,建立個人的飲食餐單,同運動的建議﹗依家中醫都好科學,通常最後都是建議我要 『做下運動』,但我自己又好懶,我成日都是問醫師...湊女算唔算運動呀?﹗湊女都好攰架喎?﹗今次可以直接問下營養兼體適能教練啦﹗


德善健康管理營養兼體適能教練對知道阿旺有跑步的習慣,但偶有膝蓋痛問題,所以建議阿旺要經專人指導下運動,以發展(1) 柔軟度、消脂 (2) 心肺功能、耐力、體力 (3) 肌肉力量, (4) 肌肉份份量、靈敏度。
 

營養道中醫師話我地兩個都屬於「熱」的體質,特別因應中醫的診斷而建議中性食物及溫性食物,例如: 
中性食物 (多吃無妨):  蓬霧、番石榴、提子、菠菜、紅蘿蔔、木耳
溫性食物 (不時食用無妨): 車厘子、桃、牛肉、三文魚、韭菜
   

 


阿旺之前整傷過膝蓋 (10幾年前打藍球),依家做運動的時候,有時都會痛,例如佢唔可以跑 "落斜",營養師兼體適能教練就教下佢一啲簡單的動作去改善膝蓋的問題,其實好多老人家都岩做架﹗ 

 

 


哈哈﹗我地放工上去,唔知原來見營養師都有運動做,著晒恤衫西褲﹗

 

 

 

佢仲教我地點分 "脂肪"﹗原來我都好多脂肪,我地仲是新年前上去,新年後...真是不敢想像﹗


 

最後再做一個簡單的療程,療程之前,仲有一杯飲品,我的一杯是紅棗蜜,阿旺的是菊花茶,都是剛剛中醫師建議我地平時可以多飲的,真是好細心的服務。

 


我今次做的是「卵巢保養加強版」療程,包括穴位按摩,加上火療拔罐,再配合純中草藥秘方火療酒塗上身體包扎。療程功效:疏通經脈﹑治療痛症、行氣活血、袪胃寒﹑改善宮寒問題、化瘀血、通經﹑止經痛。暫時做一次未知真正功效,不過師傅的手勢非常好﹗

 


阿旺做的是《十二經絡治療儀療程》, 原理是透過生物微電流及磁,推動淋巴排液及打通全身經絡→調節臟腑→外達皮毛。好複雜...我上網頁抄咋,不過最重要是阿旺話做完之後好爽啦﹗

據說生物微電流能夠滲透深層肌肉經絡層,立即鬆軟僵硬筋肌,阿旺的馬上由又硬又實變得柔軟有彈性可以動含有鐵質的血液,有效加速血液循環,活血化瘀,所以能改善手腳冰冷,提高免疫力﹗這療程結合了生物微電及磁的兩個技術,軟化僵硬筋肌,通淋巴去掉有餘水腫和老化廢物,總之做完感覺舒適


返回